Georgian Version Russian Version English Version
   GE
 
  პროდუქცია  
   
 
 
გოლდ რეი  

ბუნება გვიმხელს საიდუმლოს...

 
 
პროდუქციის კატალოგი
 ვიტამინები და მეტაბოლური საშუალებები
 ანტიალერგიული საშუალებები
 H1-ჰისტამინური რეცეპტორების ბლოკატორები
 სასუნთქი სისტემის სამკურნალო საშუალებები
 მუკოლიზური და ამოსახველებელი საშუალებები
 დერმატოლოგიური პრეპარატები
 იმუნომოდულატორები და ანტიოქსიდანტები
 ინფექციის საწინააღმდეგო საშუალებები
 ანტიბიოტიკები
 ანტიმიკრობული და ანტიპროტოზოული საშუალებები
 ანტიფუნგალური საშუალებები
 ანტიჰელმინთური საშუალებები
 არასტეროიდული ანთების საწინააღმდეგო საშუალებები
 გასტროენტეროლოგიური საშუალებები
 ანტიდიარეული საშუალებები
 საფაღარათო საშუალებები
 ანტაციდები
 პროტონული ტუმბოს ინჰიბიტორები
 პროკინეტიკები
 ჰეპატოპროტექტორები
 პრეპარატები, რომლებიც არეგულირებენ ნაწლავის მიკროფლორის წონასწორობას
 ნევროლოგიური საშუალებები
 ნოოტროპული საშუალებები
 ანტიეპილეფსიური საშუალებები
 სედატიური და საძილე საშუალებები
 გულ-სისხლძარღვთა სისტემის სამკურნალო საშუალებები
 სიცხის დამწევი და გაციების საწინააღმდეგო პრეპარატები
 ოფთალმოლოგიური და ოტორინოლარინგოლოგიური საშუალებები
 მეტაბოლური და ანტიოქსიდანტური საშუალებები
 ხელოვნური ცრემლი და სხვა ინდიფერენტული პრეპარატები
 ანტიმიკრობული საშუალებები
 ანთების საწინააღმდეგო და ანტიალერგიული საშუალებები
 ანტიგლაუკომატოზური საშუალებები
 კატარაქტის სამკურნალო საშუალებები
 მიდრიაზული საშუალებები
 ანტიფუნგალური საშუალებები
 ჰიპოლიპიდემიური საშუალებები
 ქონდროპროტექტორები
 ჰემოპოეზის სტიმულატორები
 
პროდუქცია
 ფლუზამედი 
ფლუზამედი
FLUZAMED
სავაჭრო დასახელება:
ფლუზამედი, Fluzamed
 
საერთაშორისო არაპატენტირებული დასახელება:
ფლუკონაზოლი, Fluconazole
 
წამლის ფორმა:
საინფუზიო ხსნარი.
აღწერილობა: გამჭვირვალე, უფერო, უსუნო, ხსნარი მექანიკური ჩანართების გარეშე.
 
შემადგენლობა:
აქტიური ნივთიერება:           1 მლ    50 მლ (1 ფლ.)    100 მლ (1 ფლ.)
ფლუკონაზოლი                         2 მგ     100 მგ                   200 მგ
დამხმარე ნივთიერებები: ნატრიუმის ქლორიდი, საინექციო წყალი.
 
პრეპარატის ათქ კოდი: J02AC01
 
ფარმაკოთერაპიული ჯგუფი:
სოკოს საწინააღმდეგო პრეპარატები სისტემური გამოყენებისათვის.
 
ფარმაკოლოგიური თვისებები:
ფარმაკოდინამიკა:
ფლუზამედი – სოკოს საწინააღმდეგო პრეპარატი ტრიაზოლის წარმოებულთა ჯგუფიდან. პრეპარატის აქტიური ნივთიერება – ფლუკონაზოლი სოკოს უჯრედის მემბრანებში სტეროლების სინთეზის მძლავრი სელექციური ინჰიბიტორია. მოქმედების მექანიზმი განპირობებულია ციტოქრომ Р450-თან დაკავშირებული ფერმენტის – ლანოსტეროლ-14-α-დემეთილაზას ბლოკადით. ფლუკონაზოლი აბლოკირებს სოკოს უჯრედების ლანოსტეროლის ერგოსტეროლად გარდაქმნას; ზრდის უჯრედული მემბრანის გამტარობას, არღვევს მის ზრდასა და რეპლიკაციას. იმის გამო, რომ ფლუკონაზოლს მაღალი სელექციურობა გააჩნია სოკოს ციტოქრომ Р450-ის მიმართ, ის პრაქტიკულად არ თრგუნავს ამ ფერმენტებს ადამიანის ორგანიზმში (იტრაკონაზოლთან, კლოტრიმაზოლთან, ეკონაზოლთან და კეტოკონაზოლთან შედარებით ნაკლებად თრგუნავს ციტოქრომ Р450-ზე დამოკიდებულ ჟანგვით პროცესებს ადამიანის ღვიძლის მიკროსომებში), არ გააჩნია ანტიადროგენული აქტივობა.
ფლუზამედი ეფექტურია ოპორტუნისტური მიკოზების დროს, რომლებიც გამოწვეულია Candida spp. (იმუნოდეპრესიის ფონზე განვითარებული კანდიდოზის გენერალიზებული ფორმების ჩათვლით), Crypto­coc­cus ne­o­for­mans და Coc­ci­di­o­i­des im­mi­tis (ქალასშიდა ინფექციების ჩათვლით) მიერ.
 
ფარმაკოკინეტიკა:
სისხლის შრატში ფლუკონაზოლის კონცენტრაციის პიკი ინტრავენური შეყვანისთანავე მიიღწევა. პრეპარატის ნახევარგამოყოფის პერიოდი დაახლოებით 30 საათს შეადგენს. სისხლის პლაზმაში კონცენტრაცია შეყვანილი დოზის პირდაპირ პროპორციულია. პლაზმის ცილებთან შეკავშირება – 11-12%. ფლუკონაზოლი კარგად აღწევს ორგანიზმის ყველა ბიოლოგიურ სითხეში, ორგანოსა და ქსოვილში. პრეპარატის კონცენტრაცია ნერწყვსა და ნახველში ისეთივეა, როგორც პლაზმაში. სოკოვანი მენინგიტის დროს ფლუკონაზოლის შემცველობა თავზურგტვინის სითხეში პლაზმური კონცენტრაციის 80%-ს აღწევს. რქოვანა შრეში, ეპიდერმისში, დერმაში, ოფლში მიიღწევა უფრო მაღალი კონცენტრაცია, ვიდრე შრატში. ფლუკონაზოლი გროვდება და საკმაოდ დიდხანს რჩება რქოვანა შრეში.
ფლუკონაზოლი გამოიყოფა, ძირითადად, თირკმელების მეშვეობით. შეყვანილი დოზის დაახლოებით 80% გამოიყოფა შარდთან ერთად უცვლელი სახით. ფლუკონაზოლის კლირენსი კრეატინინის კლირენსის პროპორციულია.
 
 გამოყენების ჩვენებები:
- ოროფარინგეალური კანდიდოზი;
- ეზოფაგეალური კანდიდოზი;
- გენერალიზებული კანდიდოზი, მათ შორის, კანდიდემია, დისემინირებული კანდიდოზი და ინვაზიური კანდიდოზური ინფექციის სხვა ფორმები (პერიტონეუმის, ენდოკარდის, თვალის, სასუნთქი და საშარდე გზების ინფექციების ჩათვლით);
- კრიპტოკოკოზი, კრიპტოკოკული მენინგიტისა და სხვა ლოკალიზაციის (მაგალითად, ფილტვების, კანის) ინფექციების ჩათვლით;
- სოკოვანი ინფექციის პროფილაქტიკა ავთვისებიანი სიმსივნის ან ძვლის ტვინის გადანერგვის შემთხვევაში, როცა აღინიშნება ამგვარი ინფექციების განვითარებისადმი მიდრეკილება ციტოტოქსიკური ქიმიოთერაპიის ან სხივური თერაპიის შედეგად.
 
მიღების წესი და დოზირება:
ფლუკონაზოლი გამოიყენება ინტრავენურად, წვეთოვნად, არა უმეტეს 200 მგ/სთ სიჩქარით, ერთხელ დღე-ღამეში.
ფლუკონაზოლის სადღეღამისო დოზა დამოკიდებულია ინფექციის ხასიათსა და სიმძიმეზე.
მკურნალობის ნაადრევ შეწყვეტას რეციდივი მოჰყვება.
მოზრდილები:
ოროფარინგეალური კანდიდოზი: პრეპარატის დარტყმითი სადღეღამისო დოზა შეადგენს 200 მგ ერთხელ დღე-ღამეში, შემანარჩუნებელი – 100 მგ დღე-ღამეში. მკურნალობის კურსი – 7-14 დღე. საჭიროებისამებრ, პაციენტებში იმუნიტეტის მკვეთრი დაქვეითებით მკურნალობა შეიძლება უფრო ხანგრძლივი იყოს.
ეზოფაგეალური კანდიდოზი: პრეპარატის დარტყმითი სადღეღამისო დოზა შეადგენს 200 მგ ერთხელ დღე-ღამეში, შემანარჩუნებელი – 100 მგ დღე-ღამეში. არასაკმარისი კლინიკური პასუხის შემთხვევაში შეიძლება დოზის 400 მგ-მდე გაზრდა. მკურნალობის კურსი – არა ნაკლებ სამი კვირისა.
გენერალიზებული კანდიდოზი, მათ შორის, კანდიდემია, დისემინირებული კანდიდოზი და ინვაზიური კანდიდოზური ინფექციის სხვა ფორმები (პერიტონეუმის, ენდოკარდის, თვალის, სასუნთქი და საშარდე გზების ინფექციების ჩათვლით): 400 მგ თერაპიის პირველ დღეს, შემდეგ კი 200 მგ დღე-ღამეში. არასაკმარისი კლინიკური ეფექტურობის შემთხვევაში შეიძლება დოზის გაზრდა 400 მგ-მდე დღე-ღამეში. თერაპიის ხანგრძლივობა დამოკიდებულია კლინიკურ ეფექტურობაზე.
კრიპტოკოკოზი, კრიპტოკოკული მენინგიტისა და სხვა ლოკალიზაციის (მაგალითად, ფილტვების, კანის) ინფექციების ჩათვლით: 400 მგ თერაპიის პირველ დღეს, შემდეგ კი 200-400 მგ ერთხელ დღე-ღამეში. კრიპტოკოკული ინფექციის მკურნალობის ხანგრძლივობა დამოკიდებულია კლინიკური და მიკოლოგიური ეფექტის არსებობაზე. კრიპტოკოკული მენინგიტის მკურნალობის კურსი – სულ მცირე 10-12 კვირა თავზურგტვინის სითხიდან კრიპტოკოკების ამოთესვის შეწყვეტიდან.
შიდსის შემთხვევაში კრიპტოკოკული მენინგიტის რეციდივის პროფილაქტიკისათვის პირველადი მკურნალობის სრული კურსის დასრულების შემდეგ ფლუკონაზოლით თერაპია სადღეღამისო დოზით 200 მგ შეიძლება გაგრძელდეს ხანგრძლივი ვადით.
სოკოვანი ინფექციების პროფილაქტიკა ავთვისებიანი სიმსივნის ან ძვლის ტვინის გადანერგვის შემთხვევაში, როცა აღინიშნება ამგვარი ინფექციების განვითარებისადმი მიდრეკილება ციტოტოქსიკური ქიმიოთერაპიის ან სხივური თერაპიის შეეგად: გენერალიზებული ინფექციის განვითარების მაღალი რისკის შემთხვევაში, მაგალითად, მოსალოდნელი გამოხატული ან ხანგრძლივი ნეიტროპენიის მქონე ავადმყოფებში, ფლუკონაზოლის რეკომენდებული დოზა შეადგენს 400 მგ დღე-ღამეში. ფლუკონაზოლი ინიშნება ნეიტროპენიის მოსალოდნელ გამოვლინებამდე რამდენიმე დღით ადრე; ნეიტროფილების რიცხვის 1000/მკლ-ზე გადაჭარბების შემდეგ მკურნალობა კიდევ 7 დღე-ღამე გრძელდება.
ბავშვები:
პრეპარატის სადღეღამისო დოზა მოზრდილის დოზას არ უნდა აღემატებოდეს. ფლუზამედი გამოიყენება ყოველდღიურად, ერთხელ დღე-ღამეში.
პედიატრიულ პრაქტიკაში დოზა მოზრდილთა დოზის ექვივალენტურია შემდეგი ალგორითმის შესაბამისად:
პედიატრიული დოზა
მოზრდილის დოზა
3 მგ/კგ
100 მგ
6 მგ/კგ
200 მგ
12 მგ/კგ
400 მგ
 
2 კვირამდე ასაკის ჩვილებში მაქსიმალური დოზა შეადგენს 12 მგ/კგ ყოველ 72 საათში ერთხელ. 3-4 კვირის ასაკის ჩვილებში მაქსიმალური დოზა შეადგენს 12 მგ/კგ ყოველ 48 საათში ერთხელ.
ოროფარინგეალური კანდიდოზის დროს პირველ დღეს შეიძლება დარტყმითი დოზის დანიშვნა – 6 მგ/კგ, ფლუკონაზოლის შემანარჩუნებელი დოზა შეადგენს 3 მგ/კგ დღე-ღამეში. თერაპიის ხანგრძლივობა: არა ნაკლებ 2 კვირისა.
ეზოფაგეალური კანდიდოზი: პრეპარატის დარტყმითი სადღეღამისო დოზა შეადგენს 6 მგ/კგ ერთხელ დღე-ღამეში, შემანარჩუნებელი – 3 მგ/კგ დღე-ღამეში. არასაკმარისი კლინიკური პასუხის შემთხვევაში შეიძლება დოზის გაზრდა 12 მგ/კგ-მდე. მკურნალობის კურსი – არა ნაკლებ სამი კვირისა.
გენერალიზებული კანდიდოზის სამკურნალოდ რეკომენდებული დოზა შეადგენს 6-12 მგ/კგ დღე-ღამეში, დაავადების სიმძიმის შესაბამისად.
კრიპტოკოკული მენინგიტი და სხვა ლოკალიზაციის კრიპტოკოკული ინფექციები: პირველ დღეს – საშუალოდ 12 მგ/კგ, შემდეგ კი 6-12 მგ/კგ ერთხელ დღე-ღამეში. კრიპტოკოკული ინფექციის მკურნალობის ხანგრძლივობა დამოკიდებულია კლინიკური და მიკოლოგიური ეფექტის არსებობაზე. კრიპტოკოკული მენინგიტის მკურნალობის კურსი: სულ მცირე 10-12 კვირა თავზურგტვინის სითხიდან კრიპტოკოკების ამოთესვის შეწყვეტიდან.
შიდსის შემთხვევაში კრიპტოკოკული მენინგიტის რეციდივის პროფილაქტიკისათვის პირველადი მკურნალობის სრული კურსის დასრულების შემდეგ ფლუკონაზოლით თერაპია სადღეღამისო დოზით 6 მგ/კგ შეიძლება გაგრძელდეს ხანგრძლივი ვადით.
ხანდაზმულ პაციენტებში ფდუზამედი გამოიყენება დოზირების ჩვეუელებრივი რეჟიმით, თუ თირკმელების ფუნქციის დარღვევა არ აღინიშნება.
ფლუკონაზოლის გამოყენება თირკმელების ფუნქციის დარღვევის შემთხვევაში:
პრეპარატის ერთჯერადი გამოყენებისას დოზის კორექცია საჭირო არ არის.
მკურნალობის კურსის ჩატარებისას პირველი (დარტყმითი) დოზა შეადგენს 50 მგ-დან 400 მგ-მდე. შემდეგ პრეპარატის დოზა ან გამოყენების სიხშირე უნდა შეიცვალოს კრეატინინის კლირენსის შესაბამისად, სახელდობრ:
 
კრეატინინის კლირენსი მლ/წთ
ფლუკონაზოლის სადღეღამისო დოზა
> 50
100%
≤ 50 (დიალიზი არ არის)
50%
რეგულარული დიალიზი
100% ყოველი დიალიზის შემდეგ
 
ფლუზამედის საინფუზიო ხსნარი თავსებადია შემდეგ გამხსნელებთან: გლუკოზის 20%-იანი ხსნარი, რინგერის ხსნარი, ჰარტმანის ხსნარი, კალიუმის ქლორიდის ხსნარი გლუკოზაში, ნატრიუმის ბიკარბონატის 4,2%-იანი ხსნარი, ნატრიუმის ქლორიდის იზოტონური ხსნარი.
გამოხატული შეუთავსებლობის არარსებობის მიუხედავად, პრეპარატის შერევა სხვა საინფუზიო ხსნარებთან რეკომენდებული არ არის.
ფლაკონში დარჩენილი გამოუყენებელი პრეპარატის ნარჩენები უნდა განადგურდეს მოქმედი წესის შესაბამისად, მათი შენახვა შემდგომი გამოყენებისათვის დაუშვებელია.
 
უკუჩვენებები:
მომატებული მგრძნობელობა ფლუკონაზოლის ან სტრუქტურულად მსგავსი აზოლური ნაერთების მიმართ.
 
გვერდითი ეფექტები:
ფლუზამედი, როგორც წესი კარგად გადაიტანება. უფრო ხშირად გვხვდება შემდეგი გვერდითი რეაქციები:
კუჭ-ნაწლავის ტრაქტის მხრივ: გულისრევა, ტკივილი მუცლის არეში, დიარეა, მეტეორიზმი.
ცნს-ის მხრივ: თავის ტკივილი, თავბრუსხვევა;
კანის საფარველის მხრივ: გამონაყარი.
ზოგიერთ ავადმყოფს, განსაკუთრებით ისეთი დაავადებებით, როგორიცაა შიდსი ან ავთვისებიანი წარმონაქმნები, ფლუზამედით და მისი მსგავსი პრეპარატებით მკურნალობის დროს აღენიშნა სისხლის მაჩვენებლების ცვლილება, ღვიძლის და თირკმლის ფუნქციის დარღვევები, თუმცა ამ არასასურველი რეაქციების კლინიკური მნიშვნელობა და ფლუზამედის მიღებასთან ურთიერთკავშირი დადგენილი არ არის.
იშვიათად: კანის ექსფოლიაციური დაავადებები, კრუნჩხვები, ლეიკოპენია, თრომბოციტოპენია და ალოპეცია, ამ შემთხვევებში მიზეზ-შედეგობრივი კავშირი დადგენილი არ არის.
ძალიან იშვიათად: ანაფილაქსიური რეაქციები.
 
განსაკუთრებული მითითებები:
ფლუზამედი სიფრთხილით გამოიყენება პაციენტებში ღვიძლის და/ან თირკმლის უკმარისობით, ასეთ შემთხვევებში მკურნალობა ტარდება მხოლოდ ექიმის დანიშნულებით.
ზედაპირული სოკოვანი ინფექციისას პაციენტებში კანზე გამონაყარის გაჩენის შემთხვევაში, რომლის დაკავშირებაც ფლუზამედის გამოყენებასთან არის შესაძლებელი, საჭიროა პრეპარატის მიღების შეწყვეტა და ექიმთან კონსულტაცია. ინვაზიურ/სისტემური სოკოვანი ინფექციისას პაციენტებში გამონაყარის გაჩენის შემთხვევაში, აუცილებელია სამედიცინო მეთვალყურეობა, პრეპარატის მოხსნა მიზანშეწონილია ბულოზური დაზიანებების ან მულტიფორმული ერითემის განვითარებისას.
 
ზეგავლენა ავტომობილისა და სხვა მექანიზმების მართვის უნარზე:
პრეპარატი პაციენტის ფსიქოფიზიკური მდგომარეობის რაიმე ცვლილებას არ იწვევს, არ ახდენს გავლენას ავტოტრან-სპორტისა და მექანიზმების მართვის უნარზე.
 
გამოყენება ორსულობის და ლაქტაციის დროს:
ორსულებში პრეპარატის მიღება შეიძლება მხოლოდ იმ შემთხვევაში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისათვის.
ლაქტაციის პერიოდში პრეპარატის მიღების საჭიროებისას უნდა გადაწყდეს საკითხი ძუძუთი კვების შეწყვეტის შესახებ, რადგანაც ფლუკონაზოლი დედის რძეში იმავე კონცენტრაციით ვლინდება, რაც პლაზმაში.
 
ურთიერთქმედება სხვა სამკურნალო საშუალებებთან:
ფლუზამედის ვარფარინთან და კუმარინის ჯგუფის სხვა ანტიკოაგულანტებთან ერთდროული გამოყენებისას ძლიერდება ამ უკანასკნელთა თერაპიული ეფექტი.
ფლუზამედის ერთდროულმა გამოყენებამ პერორალურ ჰიპოგლიკემიურ საშუალებებთან (ქლორპროპამიდი, გლიბენკლამიდი, გლიპიზიდი, ტოლბუტამიდი) შესაძლოა გამოიწვიოს ჰიპოგლიკემიის განვითარება (აუცილებელია ჰიპოგლიკემიური საშუალებების დოზების კორექცია).
ფლუზამედის ჰიდროქლორთიაზიდთან და სხვა დიურეტიკებთან ერთდროული მიღებისას შესაძლოა სისხლის პლაზმაში ფლუკონაზოლის კონცენტრაციის მომატება.
ფლუზამედის ფენიტოინთან ერთდროული გამოყენებისას შესაძლებელია სისხლის პლაზმაში ფენიტოინის კონცენტრაციის მომატება. ამიტომ, ამ პრეპარატების ერთდროული მიღების აუცილებლობის შემთხვევაში, რეკომენდებულია ფენიტოინის კონცენტრაციის კონტროლი დოზის კორექციით პრეპარატის დონის თერაპიული ინტერვალის ფარგლებში შენარჩუნების მიზნით.
ფლუზამედის რიფამპიცინთან ერთდროული მიღებისას აუცილებელია ექიმთან კონსულტაცია ფლუზამედის დოზის გაზრდის მიზანშეწონილობის თაობაზე.
ფლუზამედის და თეოფილინის ერთდროული მიღებისას იზრდება უკანასკნელის ნახევარდაშლის პერიოდი და იმატებს ტოქსიური ეფექტების განვითარების რისკი (საჭიროა თეოფილინის დოზის კორექცია).
ფლუზამედის და ზიდოვუდინის ერთდროული მიღებისას აღინიშნება უკანასკნელის კონცენტრაციის მომატება სისხლის პლაზმაში და იზრდება ზიდოვუდინის გვერდითი ეფექტების განვითარების რისკი.
QT ინტერვალის გახანგრძლივებასთან დაკავშირებული სერიოზული არითმიების განვითარების ალბათობის გათვალიწინებით, არ არის რეკომენდებული აზოლის რიგის სოკოს საწინააღმდეგო საშუალებების და ტერფენადინისა და ასტემიზოლის ერთდროული მიღება.
ფლუზამედის შეწოვა არ იცვლება მისი ერთდროული მიღებისას საკვებთან, ციმეტიდინთან, ანტაციდებთან, აგრეთვე ძვლის ტვინის ტრანსპლატაციისას ტოტალური დასხივების შემდეგ.
 
ჭარბი დოზირება:
სიმპტომები: შესაძლებელია ჰალუცინაციები და პარანოიდალური ქცევა. ჭარბი დოზის მიღებისას მიმართეთ ექიმს.
მკურნალობა: სიმპტომური. ფლუკონაზოლის გამოდევნა შეიძლება გაძლიერდეს ფორსირებული დიურეზის ჩატარების გზით. ჰემოდიალიზის სამსაათიანი სეანსის შედეგად სისხლის პლაზმაში ფლუკონაზოლის შემცველობის დონე დაახლოვებით 50%-ით მცირდება.
 
გამოშვების ფორმა:
საინფუზიო ხსნარი მინის ფლაკონში, 50 მლ ან 100 მლ.
1 ფლაკონი ფურცელ-ჩანართან ერთად მუყაოს კოლოფში.
 
შენახვის პირობები:
ინახება არა უმეტეს 250C ტემპერატურაზე, ბავშვებისათვის მიუწვდომელ ადგილას.
არ გაყინოთ.
საინფუზიო ხსნარი გამოყენებულ უნდა იქნეს ფლაკონის გახსნისთანავე.
 
ვარგისიანობის ვადა:
3 წელი წარმოების თარიღიდან.
არ გამოიყენება ვარგისიანობის ვადის ამოწურვის შემდეგ.
 
აფთიაქიდან გაცემის პირობები:
ფარმაცევტული პროდუქტის ჯგუფი II – გამოიყენება ექიმის დანიშნულებით.