Georgian Version Russian Version English Version
   GE
 
  პროდუქცია  
   
 
 
გოლდ რეი  

ბუნება გვიმხელს საიდუმლოს...

 
 
პროდუქციის კატალოგი
 ვიტამინები და მეტაბოლური საშუალებები
 ანტიალერგიული საშუალებები
 H1-ჰისტამინური რეცეპტორების ბლოკატორები
 სასუნთქი სისტემის სამკურნალო საშუალებები
 მუკოლიზური და ამოსახველებელი საშუალებები
 დერმატოლოგიური პრეპარატები
 იმუნომოდულატორები და ანტიოქსიდანტები
 ინფექციის საწინააღმდეგო საშუალებები
 ანტიბიოტიკები
 ანტიმიკრობული და ანტიპროტოზოული საშუალებები
 ანტიფუნგალური საშუალებები
 ანტიჰელმინთური საშუალებები
 არასტეროიდული ანთების საწინააღმდეგო საშუალებები
 გასტროენტეროლოგიური საშუალებები
 ანტიდიარეული საშუალებები
 საფაღარათო საშუალებები
 ანტაციდები
 პროტონული ტუმბოს ინჰიბიტორები
 პროკინეტიკები
 ჰეპატოპროტექტორები
 პრეპარატები, რომლებიც არეგულირებენ ნაწლავის მიკროფლორის წონასწორობას
 ნევროლოგიური საშუალებები
 ნოოტროპული საშუალებები
 ანტიეპილეფსიური საშუალებები
 სედატიური და საძილე საშუალებები
 გულ-სისხლძარღვთა სისტემის სამკურნალო საშუალებები
 სიცხის დამწევი და გაციების საწინააღმდეგო პრეპარატები
 ოფთალმოლოგიური და ოტორინოლარინგოლოგიური საშუალებები
 მეტაბოლური და ანტიოქსიდანტური საშუალებები
 ხელოვნური ცრემლი და სხვა ინდიფერენტული პრეპარატები
 ანტიმიკრობული საშუალებები
 ანთების საწინააღმდეგო და ანტიალერგიული საშუალებები
 ანტიგლაუკომატოზური საშუალებები
 კატარაქტის სამკურნალო საშუალებები
 მიდრიაზული საშუალებები
 ანტიფუნგალური საშუალებები
 ჰიპოლიპიდემიური საშუალებები
 ქონდროპროტექტორები
 ჰემოპოეზის სტიმულატორები
 
პროდუქცია
 მეტაკარტინი 
მეტაკარტინი
METACARTIN
სავაჭრო დასახელება:
მეტაკარტინი, Metacartin
 
საერთაშორისო არაპატენტირებული დასახელება:
ლევოკარნიტინი, Levocarnitine
 
წამლის ფორმა:
შიგნით მისაღები ხსნარი.
აღწერილობა: სუსტად შეფერილი გამჭვირვალე ხსნარი.
 
შემადგენლობა:
პრეპარატის 1 ფლაკონი შეიცავს:
აქტიური ნივთიერება: ლევოკარნიტინი 2,0 გ.
დამხმარე ნივთიერებები: ვაშლის მჟავა, ნატრიუმის ბენზოატი, ნატრიუმის საქარინი, ფორთოხლის არომატიზატორი, გასუფთავებული წყალი.
 
პრეპარატის ათქ კოდი: A16AA01
 
ფარმაკოთერაპიული ჯგუფი:
საჭმლის მომნელებელ სისტემასა და მეტაბოლურ პროცესებზე მოქმედი საშუალებები.
ამინომჟავები და მათი წარმოებულები.
 
ფარმაკოლოგიური თვისებები:
ფარმაკოდინამიკა:
პრეპარატი მეტაბოლური პროცესების კორექციისათვის.
ლევოკარნიტინი – B ჯგუფის ვიტამინების მონათესავე ბუნებრივი ნივთიერება. მონაწილე- ობს ნივთიერებათა ცვლის პროცესებში, უჯრედული მემბრანების გავლით ციტოპლაზმიდან მიტოქონდრიებში ცხიმოვანი მჟავების გადამტანის სახით, სადაც ეს მჟავები განიცდიან b-დაჟანგვას ენერგიის (ატფ-ის ფორმით) დიდი რაოდენობის წარმოქმნით. კოენზიმი A-ს გამოთავისუფლებით ლევოკარნიტინი აძლიერებს კრებსის ციკლში მეტაბოლიტების მოხ-ვედრას. ამავე მექანიზმით ის ასტიმულირებს პირუვატდეჰიდროგენაზას აქტივობას ჩონჩხის კუნთებში და განშტოებული ამინომჟავების დაჟანგვას. პრეპარატი ახდენს ცილოვანი და ცხიმოვანი ცვლის ნორმალიზებას, აღადგენს სისხლის ტუტოვან რეზერვს, თრგუნავს ანაერობულ გლიკოლიზსა და კეტომჟავების წარმოქმნას, ამცირებს ლაქტაციდოზის ხარისხს, აგრეთვე, ზრდის მოტორულ აქტივობასა და გამძლეობას ფიზიკური დატვირთვისადმი, ამასთანავე ხელს უწყობს გლიკოგენის ეკონომიურ ხარჯვასა და ღვიძლში მისი მარაგის ზრდას.
 
ფარმაკოკინეტიკა:
შეწოვა და განაწილება:
შიგნით მიღებისას ლევოკარნიტინის ბიოშეღწევადობა 15,9%-ს შეადგენს. აღწევს ორგანიზმის ყველა ქსოვილში, ყველაზე მაღალი კონცენტრაციები წარმოიქმნება ღვიძლში, ჩონჩხის კუნთებსა და მიოკარდიუმში. Cmax მიღებიდან 3,3 საათში მიიღწევა, თერაპიული კონცენტრაცია 9 საათის მანძილზე ნარჩუნდება.
გამოყოფა:
გამოიყოფა თირკმელებით უპირატესად აცილური ეთერების სახით.
 
გამოყენების ჩვენებები:
- კარნიტინის პირველადი და მეორადი დეფიციტი;
- კარნიტინის დეფიციტი თირკმლის უკმარისობის ტერმინალურ სტადიაზე ჰემოდიალიზზე მყოფ პაციენტებში;
- მიოკარდიუმის მეტაბოლიზმის დარღვევები გულის იშემიური დაავადების (მიოკარდიუმის მწვავე ინფარქტი, პოსტინფარქტური პერიოდი), კარდიომიოპათიების ფონზე;
- უშვილობა მამაკაცებში (ოლიგოსპერმია, აზოოსპერმია);
- თავის ტვინის სისხლის მიმოქცევის მწვავე და ქრონიკული დარღვევები.
 
მიღების წესი და დოზირება:
განკუთვნილია მხოლოდ შიგნით მისაღებად.
მეტაკარტინის მიღება შესაძლებელია როგორც განუზავებლად, ასევე წყალში ან ხილის წვენში განზავებული სახით. პრეპარატი მიიღება თანაბარი ინტერვალებით დღე-ღამის განმავლობაში, კვების რეჟიმის მიუხედავად.
მოზრდილები და 12 წლის ასაკზე უფროსი ბავშვები:
მეტაკარტინის საწყისი დოზა შეადგენს 1 ფლაკონს (ლევოკარნიტინის 2 გრამი) დღე-ღამეში. დოზის გაზრდა შესაძლებელია თანდათანობით პრეპარატის ამტანობისა და თერაპიული პასუხის შეფასების საფუძველზე, აგრეთვე, მკურნალობის პერიოდში ფიზიკური დატვირთვის გათვალისწინებით. მეტაკარტინის რეკომენდებული დოზა შეადგენს 1-3 ფლაკონს (ლევოკარნიტინის 2-6 გრამი) დღე-ღამეში, გაყოფილი რამოდენიმე მიღებად.
12 წლამდე ასაკის ბავშვები:
დოზა განისაზღვრება ექიმის მიერ ბავშვის სხეულის წონის მიხედვით. მეტაკარტინის საწყისი დოზა შეადგენს 50 მგ/კგ წონაზე დღე-ღამეში, გაყოფილი რამოდენიმე მიღებად. საჭიროებისამებრ, შესაძლებელია დოზის გაზრდა.
მონიტორინგი უნდა მოიცავდეს სისხლის ბიოქიმიურ ანალიზს, ორგანიზმის სასიცოცხლო ფუნქციების მაჩვენებლების შეფასებას, პლაზმაში კარნიტინის კონცენტრაციის დონის განსაზღვრას და ზოგადი კლინიკური მგდომარეობის შეფასებას.
 
უკუჩვენებები:
მომატებული მგრძნობელობა პრეპარატის კომპონენტებისადმი.
 
გვერდითი მოვლენები:
საჭმლის მომნელებელი სისტემის მხრივ: ტკივილის შეგრძნება ეპიგასტრიუმის არეში, დისპეფსიის მოვლენები.
სხვა: შესაძლებელია სხეულის სპეციფიკური სუნი, აღინიშნა კრუნჩხვების განვითარება ან მათი სიხშირის მომატება ანამნეზში კრუნჩხვის სინდრომის მქონე პაციენტებში.
 
განსაკუთრებული მითითებები:
შაქრიანი დიაბეტის მქონე პაციენტებში მეტაკარტინის დანიშვნამ შეიძლება გამოიწვიოს ჰიპოგლიკემიის განვითარება გლუკოზის ათვისების გაუმჯობესების შედეგად. ამასთან დაკავშირებით, პრეპარატის მიღების პერიოდში უნდა ჩატარდეს სისხლში გლუკოზის დონის რეგულარული კონტროლი და საჭიროებისამებრ, მოხდეს ინსულინისა და ჰიპოგლიკემიური პრეპარატების დოზების კორექცია.
 
ზეგავლენა ავტოტრანსპორტისა და მექანიზმების მართვის უნარზე:
მეტაკარტინი გავლენას არ ახდენს ავტოტრანსპორტის და მექანიზმების მართვის უნარზე.
 
გამოყენება ორსულობისა და ლაქტაციის პერიოდში:
მეტაკარტინის გამოყენება ორსულობისა და ლაქტაციის პერიოდში შეიძლება მხოლოდ იმ შემთხვევაში, როდესაც თერაპიული სარგებელი დედისათვის აღემატება პოტენციურ რისკს ნაყოფისათვის ან ჩვილისათვის.
 
ურთიერთქმედება სხვა სამკურნალო საშუალებებთან:
წამლისმიერი ურთიერთქმედება აღწერილი არ არის.
 
ჭარბი დოზირება:
მონაცემები ტოქსიკურობის შესახებ ლევოკარნიტინის ჭარბი დოზირებისას არ არსებობს.
 
გამოშვების ფორმა:
შიგნით მისაღები ხსნარის 10 მლ ყვითელი შუშის ფლაკონში, დახუფული ალუმინის თავსახურით.
10 ფლაკონი ფურცელ-ჩანართთან ერთად მუყაოს კოლოფში.
 
შენახვის წესი:
ინახება სინათლისაგან დაცულ ადგილას არა უმეტეს 250C ტემპერატურაზე.
ინახება ბავშვებისათვის მიუწვდომელ ადგილას!
 
ვარგისიანობის ვადა:
4 წელი წარმოების თარიღიდან.
არ გამოიყენება ვარგისიანობის ვადის ამოწურვის შემდეგ.
 
აფთიაქიდან გაცემის პირობა:
ფარმაცევტული პროდუქტის ჯგუფი III (გამოიყენება ექიმის დანიშნულების გარეშე).