Georgian Version Russian Version English Version
   GE
 
  პროდუქცია  
   
 
 
პოლიჟენი  

ახალგაზრდობის და მხნეობის წყარო!

 
 
პროდუქციის კატალოგი
 ვიტამინები და მეტაბოლური საშუალებები
 ანტიალერგიული საშუალებები
 H1-ჰისტამინური რეცეპტორების ბლოკატორები
 სასუნთქი სისტემის სამკურნალო საშუალებები
 მუკოლიზური და ამოსახველებელი საშუალებები
 დერმატოლოგიური პრეპარატები
 იმუნომოდულატორები და ანტიოქსიდანტები
 ინფექციის საწინააღმდეგო საშუალებები
 ანტიბიოტიკები
 ანტიმიკრობული და ანტიპროტოზოული საშუალებები
 ანტიფუნგალური საშუალებები
 ანტიჰელმინთური საშუალებები
 არასტეროიდული ანთების საწინააღმდეგო საშუალებები
 გასტროენტეროლოგიური საშუალებები
 ანტიდიარეული საშუალებები
 საფაღარათო საშუალებები
 ანტაციდები
 პროტონული ტუმბოს ინჰიბიტორები
 პროკინეტიკები
 ჰეპატოპროტექტორები
 პრეპარატები, რომლებიც არეგულირებენ ნაწლავის მიკროფლორის წონასწორობას
 ნევროლოგიური საშუალებები
 ნოოტროპული საშუალებები
 ანტიეპილეფსიური საშუალებები
 სედატიური და საძილე საშუალებები
 გულ-სისხლძარღვთა სისტემის სამკურნალო საშუალებები
 სიცხის დამწევი და გაციების საწინააღმდეგო პრეპარატები
 ოფთალმოლოგიური და ოტორინოლარინგოლოგიური საშუალებები
 მეტაბოლური და ანტიოქსიდანტური საშუალებები
 ხელოვნური ცრემლი და სხვა ინდიფერენტული პრეპარატები
 ანტიმიკრობული საშუალებები
 ანთების საწინააღმდეგო და ანტიალერგიული საშუალებები
 ანტიგლაუკომატოზური საშუალებები
 კატარაქტის სამკურნალო საშუალებები
 მიდრიაზული საშუალებები
 ანტიფუნგალური საშუალებები
 ჰიპოლიპიდემიური საშუალებები
 ქონდროპროტექტორები
 ჰემოპოეზის სტიმულატორები
 
პროდუქცია
 კაპტოპრილი 
კაპტოპრილი
CAPTOPRIL
სავაჭრო დასახელება:
კაპტოპრილი, Captopril
 
საერთაშორისო არაპატენტირებული დასახელება:
კაპტოპრილი, Captopril
 
წამლის ფორმა:
ტაბლეტები შიგნით მიღებისათვის.
აღწერილობა:
კაპტოპრილი ტაბლეტები 25 მგ: თეთრი, მრგვალი ორმხრივამოზნექილი ტაბლეტები; დაიშვება დისულფიდების დამახასიათებელი სუნი.
კაპტოპრილი ტაბლეტები 50 მგ: თეთრი, მრგვალი ბრტყელი ტაბლეტები ნაზოლით და ნაჭდევით ცალ მხარეს; დაიშვება დისულფიდების დამახასიათებელი სუნი.
 
შემადგენლობა:
პრეპარატ კაპტოპრილის 1 ტაბლეტი შეიცავს
აქტიური ნივთიერება: კაპტოპრილი 25 მგ ან 50 მგ
დამხმარე ნივთიერებები: ლაქტოზას მონოჰიდრატი, სიმინდის სახამებელი, მიკროკრისტალური ცელულოზა, პოვიდონი K25, მაგნიუმის სტეარატი.
 
პრეპარატის ათქ კოდი: C09AA01
 
ფარმაკოთერაპიული ჯგუფი:
გულ-სისხლძარღვთა სისტემის სამკურნალო პრეპარატები.
ანგიოტენზინ-გარდამქმნელი ფერმენტის (აგფ) ინჰიბიტორები.
 
ფარმაკოლოგიური მოქმედება:
კაპტოპრილი – აგფ აქტივობის ინჰიბიტორი. სისხლძარღვების გამაფართოებელი მოქმედების წყალობით, კაპტოპრილი აქვეითებს არტერიულ წნევას, ამცირებს პერიფერული სისხლძარღვების საერთო წინაღობას (პოსტდატვირვას), ფილტვების კაპილარებში გაჭედვის წნევას (წინადატვირთვა) და წინააღმდეგობას ფილტვების სისლხძარღვებში, აძლიერებს კორონარულ და თირკმელების სისხლის მიმოქცევას.
პრეპარატ კაპტოპრილის ხანგრძლივი გამოყენებისას მცირდება მარცხენა პარკუჭის მიოკარდისა და რეზისტენტული ტიპის არტერიის კედლების ჰიპერტროფიის გამოხატულობა, ხელს უშლის გულის პროგრესირებადი უკმარისობის განვითარებას, ნელდება მარცხენა პარკუჭის დილატაციის განვითარება, იზრდება გულის წუთმოცულობა და დატვირთვის მიმართ ტოლერანტობა.
არ მოქმედებს ლიპიდების ცვლაზე.
 
გამოყენების ჩვენებები:
პრეპარატი კაპტოპრილი გამოიყენება შემდეგ შემთხვევებში:
- არტერიული ჰიპერტენზია (მათ შორის რენოვასკულარული);
- გულის ქრონიკული უკმარისობა (კომბინირებული თერაპიის შემადგენლობაში);
- გულის იშემიური დაავადება (მარცხენა პარკუჭის ფუნქციის დარღვევა გადატანილი მიოკარდიუმის ინფარქტის შემდეგ სტაბილური კლინიკური მდგომარეობის მქონე პაციენტებში).
 
უკუჩვენებები:
პრეპარატი კაპტოპრილი არ გამოიყენება ქვემოაღნიშნული ჩვენებების დროს:
- ჰიპერმგრძნობელობა კაპტოპრილის და აგფ-ის სხვა ინჰიბიტორების მიმართ;
- კვინკეს შეშუპება (მ.შ. მემკვიდრეობითი ან დაკავშირებული აგფ-ის ინჰიბიტორების გამოყენებასთან ანამნეზში);
- თირკმლის ფუნქციის გამოხატული დარღვევები, აზოტემია, ჰიპერკალიემია, თირკმლის არტერიების ორმხრივი სტენოზი ან ერთი თირკმლის სტენოზი პროგრესირებადი აზოტემიით, მდგომარეობა თირკმლის გადანერგვის შემდეგ, პირველადი ჰიპერალდოსტერონიზმი;
- ღვიძლის ფუნქციის გამოხატული დარღვევები;
- აორტის კარის სტენოზი, მიტრალური სტენოზი, სხვა დაბრკოლებები, რაც ხელს -უშლის გულის მარცხენა პარკუჭიდან სისხლის გადინებას;
- არტერიული ჰიპოტენზია;
- კარდიოგენული შოკი;
- ორსულობა და ლაქტაციის პერიოდი;
- 18 წლამდე ბავშვთა ასაკი.
 
განსაკუთრებული მითითებები:
გულის ქრონიკული უკმარისობის დროს პრეპარატი გამოიყენება სამედიცინო მეთვალყურეობის პირობებში.
კაპტოპრილი განსაკუთრებული სიფრთხილით ინიშნება პაციენტებში კოლაგენოზით ნეიტროპენიის და აგრანულოციტოზის განვითარების საშიშროების ზრდის გამო; ავადმყოფებში, რომლებიც იმუნოდეპრესანტებს ღებულობენ, განსაკუთრებით თირკმლის ფუნქციის დარღვევის არსებობისას (სერიოზული ინფექციების განვითარების საშიშროება, რომლებიც არ ექვემდებარებიან ანტიბიოტიკებით თერაპიას). ასეთ შემთხვევებში კაპტოპრილის გამოყენების დაწყებამდე, ყოველ 2 კვირაში, თერაპიის პირველი 3 თვის განმავლობაში და პერიოდულად – მკურნალობის მომდევნო პერიოდში საჭიროა პერიფერიული სისხლის სურათის კონტროლი.
პრეპარატი სიფრთხილით გამოიყენება ალოპურინოლის ან პროკაინამიდით მკურნალობის ფონზე, ასევე იმუნოდეპრესანტების (აზათიოპრინის, ციკლოფოსფამიდის) მკურნალობის ფონზე, განსაკუთრებით თირკმლის ფუნქციების დარღვევების მქონე პაციენტებში. 
მკურნალობის დაწყებამდე, და ასევე რეგულარულად პრეპარატ კაპტოპრილით მკურნალობის პროცესში საჭიროა თირკმლის ფუნქციის კონტროლი.
სიფრთხილით გამოიყენება პაციენტებში ანამნეზში თირკმლის დაავადებების არსებობით, ვინაიდან მატულობს პროტეინურიის განვითარების საშიშროება. ასეთ შემთხვევებში პრეპარატის მკურნალობის პირველი 9 თვის განმავლობაში საჭიროა ყოველთვიურად შარდში ცილის შემცველობის კონტროლი. თუ შარდში ცილის დონე აღემატება 1 გ/დღე-ღამეში, საჭიროა გადაწყდეს საკითხი პრეპარატის შემდგომი გამოყენების მიზანშეწონილობის შესახებ. მკურნალობის პროცესში არტერიული ჰიპოტენზიის განვითარების შესაძლებლობა შეიძლება შემცირდეს, თუ კაპტოპრილით მკურნალობის დაწყებამდე 4-7 დღით ადრე შევწყვეტთ დიურეზულების გამოყენებას ან საგრძნობლად შევამცირებთ მათ დოზას.
კაპტოპრილის გამოყენების შემდეგ სიმპტომური არტერიული ჰიპოტენზიის განვითარების შემთხვევაში პაციენტმა უნდა მიიღოს ჰორიზონტალური მდგომარეობა ზემოთ აწეული ფეხებით.
გამოხატული არტერიული ჰიპოტენზიის დროს დადებითი ეფექტი აღინიშნება ნატრიუმის ქლორიდის იზოტონური ხსნარის ინტრავენური შეყვანისას.
ანგიონევროზული შეშუპების განვითარების შემთხვევაში პრეპარატი უნდა მოიხსნას და საჭიროა სათანადო სამედიცინო მეთვალყურეობა. თუ შეშუპება ლოკალიზდება სახეზე, სპეციალური მკურნალობა ჩვეულებრივ საჭირო არ არის (სიმპტომების გამოხატულობის შესამცირებლად შეიძლება გამოყენებულ იქნას ანტიჰისტამინური პრეპარატები); იმ შემთვევაში, თუ შეშუპება ვრცელდება ენაზე, ხახასა და ხორხზე და არსებობს სასუნთქი გზების ობსტრუქციის საშიშროება, საჭიროა კანქვეშ დაუყოვნებლივ შევიყვანოთ ადრენალინი (0,5 მლ 1: 1000 განზავებით).
მკურნალობის დროს რეკომენდებულია ალკოჰოლური სასმელების მიღების შეწყვეტა.
 
გამოყენება პედიატრიაში:
ბავშვებში პრეპარატის გამოყენების ეფექტურობა და უსაფრთხოება შესწავლილი არ არის.  
 
ზეგავლენა ავტოტრანსპორტის მართვასა და ტექნიკასთან მუშაობის უნარეზე:
პრეპარატის გამოყენებისას აუცილებელია სიფრთხილე სატრანსპორტო საშუალების მართვისა და სხვა სამუშაოების შესრულებისას, რომლებიც მოითხოვს მომატებულ ყურადღებას, ვინაიდან შესაძლებელია რეაქციების განვითარება, რომლებიც ზეგავლენას ახდენს საგზაო-სატრანსპორტო მოძრაობაში აქტიური მონაწილეობის უნარზე, მანქანებისა და ტექნიკის მომსახურებაზე, ასევე სამუშაოების ჩატარებაზე, რომლებიც მოითხოვს რეაქციების სისწრაფეს.
 
გვერდითი მოქმედება:
გულ-სისხლძარღვთა სისტემის მხრივ: არტერიული ჰიპოტენზია, ტაქიკარდია, პერიფერიული შეშუპებები.
სისხლწარმომქმნელი სისტემის მხრივ: ძალიან იშვიათად ნეიტროპენია, ანემია, თრომბოციტოპენია, აგრანულოციტოზი.
სასუნთქი სისტემის მხრივ: მშრალი ხველა, ფილტვების შეშუპება, ბრონქოსპაზმი.
ცნს-ისა და პერიფერული ნერვულის სისტემის მხრივ: თავბრუსხვევა, თავის ტკივილი, ატაქსია, პარესთეზიები, დაღლილობა, ძილიანობა, ასთენია, მხედველობის დარღვევა.
საჭმლის-მომნელებელი სისტემის მხრივ: პირის სიმშრალე, აფტოზური სტომატიტი, გულისრევა, მადის დაქვეითება, იშვიათად - ფაღარათი, ტკივილი მუცელში, ღვიძლის ფერმენტების აქტივობის მომატება, ჰეპატოცელულარული დაზიანებისა და ქოლესტაზის ნიშნები (იშვიათ შემთხვევებში).
შარდის გამომყოფი სისტემის მხრივ: პროტეინურია, თირკმელის ფუნქციის დარღვევა (სისხლში შარდოვანას და კრეატინინის დონის მომატება).
წყალ-ელექტროლიტური და მჟავე-ტუტოვანი ბალანსის მხრივ: ჰიპერკალიემია, ჰიპონატრიემია, აციდოზი.
ალერგიული და იმუნოპათოლოგიური რეაქციები: ანგიონევროზული შეშუპება, შრატისმიერი დაავადება, ლიმფოადენოპათია, იშვიათ შემთხვევებში – სისხლში ანტიბირთვული ანტისხეულების გამოვლენა.
დერმატოლოგიური რეაქციები: გამონაყარი, ჩვეულებრივ მაკულო-პაპულოზური ხასიათის, უფრო იშვიათად ვეზიკულური ან ბულოზური ხასიათის, ქავილი, მომატებული ფოტომგრძნობელობა, ერითემა (სტივენს-ჯონსონის სინდრომის ჩათვლით).
 
გამოყენების წესი და დოზები:
კაპტოპრილი ინიშნება ჭამამდე ერთი საათით ადრე.
დოზირების რეჟიმი დგინდება ინდივიდუალურად.
არტერიული ჰიპერტენზიის დროს: პრეპარატი ინიშნება საწყისი დოზით 25 მგ 2-ჯერ დღე-ღამეში. საჭიროების შემთხვევაში დოზას თანდათანობით (2-4 კვირის ინტერვალით) ზრდიან ოპტიმალური ეფექტის მიღწევამდე. მსუბუქი ან ზომიერი არტერიული ჰიპერტენზიის დროს საწყისი დოზა შეადგენს 12.5 მგ-ს 2-ჯერ დღე-ღამეში (საჭიროების შემთხვევაში დოზას ზრდიან ყოველ 2-4 კვირაში), ჩვეულებრივი შემანარჩუნებელი დოზა შეადგენს 25 მგ-ს 2-ჯერ დღე-ღამეში; მაქსიმალური დოზა – 50 მგ 2-ჯერ დღე-ღამეში. მძიმე არტერიული ჰიპერტენზიის დროს მაქსიმალური დოზა – 50 მგ 3-ჯერ დღე-ღამეში.
მაქსიმალური სადღეღამისო დოზა – 150 მგ.
კაპტოპრილის გამოყენებისას კომბინირებული ანტიჰიპერტენზიული თერაპიის შემადგენლობაში მისი დოზა ინდივიდუალურად შეირჩევა.
გულის უკმარისობის მკურნალობისას: კაპტოპრილის საწყისი დოზა შეადგენს 6,25 მგ-ს 3-ჯერ დღე-ღამეში (საჭიროების შემთხვევაში დოზას ზრდიან ყოველ 2 კვირაში). საშუალო შემანარჩუნებელი დოზა შეადგენს 25 მგ-ს 2-3-ჯერ დღე-ღამეში. შემდგომში, აუცილებლობისას დოზას თანდათანობით (სულ მცირე 2 კვირის ინტერვალით) ზრდიან. მაქსიმალური სადღეღამისო დოზა – 150 მგ დღე-ღამეში.
გულის იშემიური დაავადების დროს პრეპარატის მიღების დაწყება შესაძლებელია მიოკარდის ინფარქტის გადატანიდან უკვე 3 დღის შემდეგ. საწყისი დოზა შეადგენს 6,25 მგ-ს 3-ჯერ დღე-ღამეში დოზის თანდათანობითი მომატებით 75 მგ-მდე დღე-ღამეში (25 მგ 3-ჯერ დღე-ღამეში). აუცილებლობისას დოზას თანდათანობით ზრდიან მაქსიმალურ სადღეღამისო დოზამდე 150 მგ (50 მგ 3-ჯერ დღე-ღამეში).
პაციენტებში თირკმელის დარღვეული ფუნქციით: თირკმელის ფუნქციის ზომიერი ხარისხის დარღვევისას (კრეატინინის კლირენსი არა ნაკლებ 30 მლ/წთ/1.73 მ2) კაპტოპრილის დანიშვნა შეიძლება დოზით 75-100 მგ/ დღე-ღამე. თირკმელების გამოხატული დარღვევებისას (კკ 30მლ/წთ-ზე ნაკლები 1.73 მ2) საწყისი დოზა უნდა შეადგენდეს არა უმეტეს 12,5 – 25 მგ/ დღე-ღამეში;
შემდგომში, საჭიროების შემთხვევაში, საკმარისად ხანგრძლივი ინტერვალით კაპტოპრილის დოზას თანდათანობით ზრდიან, მაგრამ იყენებენ ჩვეულებრივზე მცირე სადღეღამისო დოზას. მაქსიმალური სადღეღამისო დოზა დამოკიდებულია კრეატინინის კლირენსზე:
კლირენსი:               35-130 მლ/წთ/1.73 მ2 – 150 მგ;
                                    20-35 მლ/წთ/1.73 მ2 –75 მგ;
                                    20 მლ/წთ/1.73 მ2-ზე ნაკლები –37.5 მგ;
 
ხანდაზმული ასაკის პაციენტებში დოზის შერჩევა ხდება ინდივიდუალურად. მკურნალობის დაწყება რეკომენდებულია ყველაზე დაბალი თერაპიული დოზით და შენარჩუნდეს ყველაზე მცირე ეფექტური დოზის დონეზე.
 
ჭარბი დოზირება:
სიმპტომები: გამოხატული არტერიული ჰიპოტენზია.
მკურნალობა: ნატრიუმის ქლორიდის იზოტონური ხსნარის ან სხვა პლაზმის შემცველი ხსნარების შეყვანა, ჰემოდიალიზი.
 
ურთიერთქმედება სხვა სამკურნალო საშუალებებთან:
დიურეზულ ისაშუალებები, ვაზოდილატატორები, განგლიობლოკატორები, ადრენობლოკატორები აძლიერებენ კაპტოპრილის ჰიპოტენზიურ მოქმედებას.
კაპტოპრილის ერთდროული გამოყენებისას ინდომეტაცინთან (და შესაძლოა სხვა არასტეროიდულ ანთების საწინააღმდეგო პრეპარატებთან ერთად), კლონიდინთან ერთად შეიძლება აღინიშნოს ჰიპოტენზიური მოქმედების შემცირება.
კალიუმის შემანარჩუნებელ დიურეზულებთან ან კალიუმის პრეპერატებთან ერთდროულმა გამოყენებამ შეიძლება გამოიწვიოს ჰიპერკალიემია.
ლითიუმის მარილების ერთდროული გამოყენებისას შესაძლებელია სისხლის შრატში ლითიუმის კონცენტრაციის მომატება.
კაპტოპრილის გამოყენება პაციენტებში, რომლებიც ღებულობენ ალოპურინოლს ან პროკაინამიდს, ზრდის ნეიტროპენიის და/ან სტივენს-ჯონსონის სინდრომის განვითარების საშიშროებას.
პრობენეციდის ერთდროული გამოყენებისას მცირდება კაპტოპრილის გამოყოფა შარდთან ერთად.
კაპტოპრილის გამოყენება პაციენტებში, რომლებიც იმუნოდეპრესანტებს ღებულობენ (მაგალითად, ციკლოფოსფაცინი ან აზათიოპრინი) ზრდის ჰემატოლოგიური დარღვევების განვითარების საშიშროებას.
 
გამოყენება ორსულობისა და ძუძუთი კვების დროს:
ორსულობისა და ლაქტაციის პერიოდში პრეპარატის გამოყენება უკუნაჩვენებია.
 
გამოშვების ფორმა:
შიგნით მისაღები ტაბლეტები 25 მგ ან 50 მგ.
10 ტაბლეტი კონტურულ დანაყოფებიან შეფუთვაში პოლივინილქლორიდის და ალუმინის ფოლგისაგან.
2 კონტურულ დანაყოფებიანი შეფუთვა გამოყენების ინსტრუქციასთან ერთად.
 
შენახვის პირობები:
ინახება არა უმეტეს 300C ტემპერატურის პირობებში.
ინახება ბავშვებისათვის მიუწვდომელ ადგილას.
 
ვარგისიანობის ვადა:
3 წელი წარმოების თარიღიდან.
არ გამოიყენება ვარგისიანობის ვადის გასვლის შემდეგ.
 
აფთიაქიდან გაცემის პირობები:
ფარმაცევტული პროდუქტის ჯგუფი II – გამოიყენება ექიმის დანიშნულებით.