Georgian Version Russian Version English Version
   GE
 
  პროდუქცია  
   
 
 
კოკარნიტი  

სასიცოცხლო ძალა მთელი ორგანიზმისათვის!

 
 
პროდუქციის კატალოგი
 ვიტამინები და მეტაბოლური საშუალებები
 ანტიალერგიული საშუალებები
 H1-ჰისტამინური რეცეპტორების ბლოკატორები
 სასუნთქი სისტემის სამკურნალო საშუალებები
 მუკოლიზური და ამოსახველებელი საშუალებები
 დერმატოლოგიური პრეპარატები
 იმუნომოდულატორები და ანტიოქსიდანტები
 ინფექციის საწინააღმდეგო საშუალებები
 ანტიბიოტიკები
 ანტიმიკრობული და ანტიპროტოზოული საშუალებები
 ანტიფუნგალური საშუალებები
 ანტიჰელმინთური საშუალებები
 არასტეროიდული ანთების საწინააღმდეგო საშუალებები
 გასტროენტეროლოგიური საშუალებები
 ანტიდიარეული საშუალებები
 საფაღარათო საშუალებები
 ანტაციდები
 პროტონული ტუმბოს ინჰიბიტორები
 პროკინეტიკები
 ჰეპატოპროტექტორები
 პრეპარატები, რომლებიც არეგულირებენ ნაწლავის მიკროფლორის წონასწორობას
 ნევროლოგიური საშუალებები
 ნოოტროპული საშუალებები
 ანტიეპილეფსიური საშუალებები
 სედატიური და საძილე საშუალებები
 გულ-სისხლძარღვთა სისტემის სამკურნალო საშუალებები
 სიცხის დამწევი და გაციების საწინააღმდეგო პრეპარატები
 ოფთალმოლოგიური და ოტორინოლარინგოლოგიური საშუალებები
 მეტაბოლური და ანტიოქსიდანტური საშუალებები
 ხელოვნური ცრემლი და სხვა ინდიფერენტული პრეპარატები
 ანტიმიკრობული საშუალებები
 ანთების საწინააღმდეგო და ანტიალერგიული საშუალებები
 ანტიგლაუკომატოზური საშუალებები
 კატარაქტის სამკურნალო საშუალებები
 მიდრიაზული საშუალებები
 ანტიფუნგალური საშუალებები
 ჰიპოლიპიდემიური საშუალებები
 ქონდროპროტექტორები
 ჰემოპოეზის სტიმულატორები
 
პროდუქცია
 ატენოლოლი 
ატენოლოლი
ATENOLOL
სავაჭრო დასახელება:
ატენოლოლი, Atenolol
 
საერთაშორისო არაპატენტირებული დასახელება:
ატენოლოლი, Atenolol
 
წამლის ფორმა:
შემოგარსული, შიგნით მისაღები ტაბლეტები.
 
შემადგენლობა:
1 ტაბლეტი შეიცავს:
აქტიური ნივთიერება: ატენოლოლი 50 მგ ან 100 მგ.
დამხმარე ნივთიერებები: ხორბლის სახამებელი, მიკროკრისტალური ცელულოზა (Avicel pH 101), პოვიდონი K25, სილიციუმის კოლოიდური დიოქსიდი (აეროსილი 200), ნატრიუმის ლაურილ სულფატი, ტალკი, ნატრიუმის კროსკარმელოზა (Ac Di Sol), მაგნიუმის სტეარატი.
გარსი: ჰიდროქსიპროპილმეთილცელულოზა E6, პოლიეთილენგლიკოლი 6000, ტიტანის დიოქსიდი.
 
პრეპარატის ათქ კოდი: C07AB03
 
ფარმაკოთერაპიული ჯგუფი:
გულ-სისხლძარღვთა სისტემის სამკურნალო პრეპარატები.
სელექციური β1-ადრენობლოკატორები.
 
ფარმაკოლოგიური მოქმედება:
ბეტა-ადრენობლოკატორი მოქმედებს უპირატესად გულის β1-ადრენორეცეპტორებზე. ახასიათებს ანტიანგინალური, ანტიარითმიული და ჰიპოტენზიური მოქმედება. ამცირებს სიმპათიკური ინერვაციის მასტიმულირებელ ზეგავლენას გულზე. ატენოლოლი ამცირებს სინუსური კვანძის ავტომატიზმს, გულის შეკუმშვათა სიხშირეს, მიოკარდიუმის კუმშვადობას, ანელებს ატრიოვენტრიკულურ გამტარობას, ამცირებს მიოკარდიუმის აღგზნებადობას, აქვეითებს გულის მოთხოვნილებას ჟანგბადზე.
საშუალო თერაპიულ დოზებში გამოყენებისას გააჩნია ნაკლებად გამოხატული ზეგავლენა ბრონქებისა და პერიფერიული არტერიების გლუვ კუნთებზე, არასელექციურ ბეტა-ადრენობლოკატორებთან შედარებით.
სისტემატური გამოყენებისას იგი იწვევს არტერიული წნევის თანდათანობით დაქვეითებას. ჰიპოტენზიური ეფექტი სტაბილიზდება თერაპიის მეორე კვირის ბოლოს.
 
გამოყენების ჩვენებები:
მკურნალობა: გულის იშემიური დაავადება, სტენოკარდია (დატვირთვის, მოსვენების და არასტაბილური), არტერიული ჰიპერტენზია, ჰიპერტონული კრიზი, ჰიპერტონული ტიპის ნეიროცირკულატორული დისტონია, ესენცური და ასაკობრივი ტრემორი, ტრემორი აბსტინენციის სინდრომის დროს.
მკურნალობა და პროფილაქტიკა: მიოკარდიუმის ინფარქტი (მწვავე ფაზაში ჰემოდინამიკის სტაბილური მაჩვენებლების დროს, მეორადი პროფილაქტიკა); სინუსური ტაქიკარდია, წინაგულოვანი პაროქსიზმული ტაქიკარდია, მოციმციმე ტაქიარითმია, პარკუჭზედა და პაკუჭოვანი ტაქიკარდია, წინაგულების თრთოლვა;
 
უკუჩვენებები:
მომატებული მგრძნობელობა აღნიშნული პრეპარატის მიმართ, კარდიოგენული შოკი, ატრიოვენტრიკულური ბლოკადა II, III ხარისხის; ბრადიკარდია გულის შეკუმშვათა სიხშირით მინიმუმ 40დარტყმა/წთ, სინუსური კვანძის სისუსტის სინდრომი, სინოატრიოვენტრიკულური ბლოკადა, გულის მწვავე ან დეკომპენსირებული ქრონიკული უკმარისობა, კარდიომეგალია გულის ქრონიკული უკმარისობის ნიშნების გარეშე, პრინცმეტალის სტენოკარდია, არტერიული ჰიპოტენზია, ლაქტაციის პერიოდი, მონოამინოოქსიდაზას ინჰიბიტორების (მაო) ერთდროული მიღება.
პრეპარატი სიფრთხილით ინიშნება: შაქრიანი დიაბეტის, მეტაბოლური აციდოზის, ჰიპოგლიკემიის დროს; ანამნეზში ალერგიული რეაქციები, ფილტვების ქრონიკული ობსტრუქციული დაავადება (მათ შორის, ბრონქული ასთმა, ფილტვის ემფიზემა); გულის ქრონიკული უკმარისობა (კომპენსატორული), პერიფერიული არტერიების მაობლიტირებელი დაავადებები (ხანგამოშვებითი კოჭლობა, რეინოს სინდრომი); ფეოქრომოციტომა, ღვიძლის უკმარისობა, თირკმლის ქრონიკული უკმარისობა, მიასთენია, თირეოტოქსიკოზი, დეპრესია, ფსორიაზი, ორსულობა, ბავშვთა და ხანდაზმული ასაკის პაციენტებში.
 
გამოყენების შეზღუდვები:
არ არის რეკომენდებული ატენოლოლისა და ვერაპამილის ერთდროული გამოყენება, განსაკუთრებით გამტარობის დარღვევის მქონე პაციენტებში.
კლონიდინისა და ატენოლოლის ერთდროული გამოყენების შემთხვევაში, უკანასკნელის მიღება უნდა შეწყდეს კლონიდინის მიღების შეწყვეტამდე რამდენიმე დღით ადრე. თუ კლონიდინის ნაცვლად ინიშნება ატენოლოლი, პრეპარატის მიღების დაწყება შესაძლებელია კლონიდინის მიღების შეწყვეტიდან რამდენიმე დღის შემდეგ.
ქირურგიული ოპერაციის ჩატარების აუცილებლობისას, ინჰალაციური ნარკოზის გამოყენებით, ეთერით ან ქლოროფორმით, ავადმყოფებში, რომლებიც ატენოლოლს ღებულობენ, უნდა შეწყდეს პრეპარატის გამოყენება ოპერაციამდე რამდენიმე დღით ადრე ან შეირჩეს სანარკოზე საშუალება მინიმალური უარყოფითი ინოტროპული მოქმედებით.
ატენოლოლის გამოყენებისას შესაძლებელია საცრემლე სითხის პროდუქციის შემცირება, რაც მნიშვნელოვანია პაციენტებისათვის, რომლებიც კონტაქტურ ლინზებს იყენებენ.
არ არის რეკომენდებული ბავშვებში პრეპარატის გამოყენება.
 
ზეგავლენა ავტომობილის მართვისა და მექანიზმებთან მუშაობის უნარზე:
ვინაიდან, პრეპარატს შეუძლია ზეგავლენა მოახდინოს ყურადღების კონცეტრაციაზე, იგი სიფრთხილით ინიშნება ავტოსატრანსპორტო საშუალებების მართვის დროს.
 
გვერდითი მოვლენები:
ცენტრალური ნერვული სისტემის მხრივ: თავბრუსხვევა, თავის ტკივილი, დაღლილობა, დეპრესიული მდგომარეობა, ძილის დარღვევა.
გულ-სისხლძარღვთა სისტემის მხრივ: ბრადიკარდია, ატრიოვენტრიკულური გამტარობის დარღვევა, არტერიული ჰიპოტენზია, კიდურებში სიცივის შეგრძნება, გულის უკმარისობის სიმპტომები.
საჭმლის-მომნელებელი სისტემის მხრივ: გულისრევა, ყაბზობა, ფაღარათი, პირის სიმშრალე.
ენდოკრინული სისტემის მხრივ: პოტენციის დაქვეითება, ჰიპოგლიკემიური მდგომარეობა პაციენტებში შაქრიანი დიაბეტით.
სასუნთქი სისტემის მხრივ: მიდრეკილების მქონე პაციენტებში - ბრონქული ობსტრუქციის სიმპტომები.
ალერგიული რეაქციები: კანის გაწითლება, ქავილი.
სხვა გამოვლინებები: ოფლიანობის გაძლიერება, საცრემლე სითხის სეკრეციის შემცირება, კონიუქტივიტი.
 
გამოყენებისწესიდადოზირება:
პრეპარატს მიიღება ჭამის წინ, დაუღეჭავად, მცირე რაოდენობის წყალთან ერთად.
პრეპარატის დოზები და მკურნალობის ხანგრძლივობა დგინდება ინდივიდუალურად, მკურნალი ექიმის მიერ პრეპარატის თერაპიული ეფექტურობიდან და ამტანობიდან გამომდინარე. არ შეიძელბა დოზირების რეჟიმის შეცვლა ან შეწყვეტა მკურნალი ექიმის რეკომენდაციის გარეშე. პრეპარატის მიღების უცაბედმა შეწყვეტამ შიძლება გამოიწვიოს სტენოკარდია ან არტერიული ჰიპერტენზია ან მოახდინოს მიოკარდიუმის ინფარქტის პროვოცირება. პრეპარატის მიღების შეწყვეტა უნდა მოხდეს თანდათანობით და მკურნალი ექიმის მკაცრი მეთვალყურეობის ქვეშ.
ჩვეულებრივ ინიშნება:
საწყისი დოზა 25 - 50 მგ დღე-ღამეში, აუცილებლობის შემთხვევაში დოზას ზრდიან ერთი კვირის შემდეგ 50 მგ-ით, მოგვიანებით აუცილებლობის შემთხვევაში 200 მგ-მდე. საშუალო სადღეღამისო დოზა - 100 მგ დღე-ღამეში. სადღეღამისო დოზის 100 მგ-ზე მეტად გადაჭარბება არ არის რეკომედებული. ვინაიდან, პრეპარატის თერაპიული ეფექტი არ უმჯობესედება, არამედ იზრდება გვერდითი ეფექტების განვითარების რისკი.
მაქსიმალური სადღეღამისო დოზა შეადგენს 200 მგ-ს. იმ შემთხვევაში, როცა იგეგმება პრეპარატის მიღების შეწყვეტა, დოზის შემცირება უნდა მოხდეს თანდათანობით. დანიშნული დოზა მცირდება 1/4-ით ყოველ 3-4 დღეში ერთხელ.
გულის იშემიური დაავადების დროს - 50 მგ ერთხელ დღე-ღამეში.
სტენოკარდიის დროს - საწყისი დოზა შეადგენს 50 მგ-ს დღე-ღამეში, თუ პირველი კვირის განმავლობაში არ მიიღება ოპტიმალური თერაპიული ეფექტი დოზას ზრდიან 100 მგ-მდე დღე-ღამეში. ზოგჯერ შესაძლებელია დოზის მომატება 200 მგ-მდე ერთჯერ დღე-ღამეში.
არტერიული ჰიპერტენზიის დროს ინიშნება ატენოლოლის 50 მგ ერთჯერ დღე-ღამეში.
სტაბილური ჰიპოტენზიური ეფექტის მისაღწევად მკურნალობის კურსი 1-2 კვირა. თუ თერაპიული ეფექტი არ არის სათანადო, დოზა შეიძლება გაიზარდოს 100 მგ-მდე ერთ მიღებაზე. დოზის შემდგომი მატება არაა რეკომენდებული, რადგანაც იგი არ ზრდის კლინიკურ ეფექტს.
მიოკარდიუმის მწვავე ინფარქტის დროს სტაბილური ჰემოდინამიკური მაჩვენებლებით - ინიშნება 50 მგ 2-ჯერ დღე-ღამეში ან 100 მგ ერთჯერადად 6-9 დღის განმავლობაში.
მიოკარდიუმის ინფარქტის მეორადი პროფილაქტიკის დროს - 100 მგ ერთჯერ დღეში ან 50 მგ 2-ჯერ დღეში, 6-9 დრის განმავლობაში ან ექიმის დანიშნულებისამბრ.
გულის რიტმის ტაქისტოლური დარღვევების დროს - 50 მგ ერთჯერ დღე-ღამეში.
ხანდაზმულ პაციენტებში ერთჯერადი საწყისი დოზა - 25 მგ. 
პრეპარატის დანიშვნისას თირკმლის ფუნქციის დარღვევების მქონე პაციენტებში, დოზას ადგენენ კრეატინინის კლირენსის მაჩვენებლების შესაბამისად. თუ კრეატინინის კლირენსი არის 15-35 მლ/წთ, მაშინ პრეპარატის დოზა შეადგენს 50 მგ დღე-ღამეში ან 100 მგ დღეგამოშვებით. თუ კრეატინინის კლირენსი < 15 მლ/წთ ატენოლოლი ინიშნება დოზით 50 მგ დღეგამოშვებით.
ჰემოდიალიზზე მყოფ პაციენტებში ატენოლოლი ინიშნება დოზით 50 მგ დღე-ღამეში დიალიზის ჩატარებისთანავე.
 
ჭარბიდოზირება:
ჭარბი დოზირებისას შეიძლება განვითარდეს შემდეგი სიმპტომები: ბრადიკარდია, თავბრუსხვევა, არტერიული ჰიპოტენზია, გულის რითმის დარღვევა, ბრონქოსპაზმი, კიდურების გაციება.
ჭარბი დოზირების მკურნალობა: გამოხატული ბრადიკარდიის დროს – ატროპინის შეყვანა, მძიმე არტერიული ჰიპოტენზიის დროს – დობუტამინის ან დოპამინის შეყვანა. სიმპტომატიკის გათვალისწინებით ასევე იყენებენ საგულე გლიკოზიდებს ან გლუკაგონს, სელექციურ ბეტა-ადრენომიმეტურ საშუალებებს, საჭიროების შემთხვევაში – რითმის ხელოვნური მატარებლის დაყენება.
 
სხვასამკურნალოსაშუალებებთანურთიერთქმედება:
ატენოლოლის ერთდოული გამოყენებისას ინსულინთან ან სულფონილშარდოვანას პრეპარატებთან – ჰიპოგლიკემიური მოქმედების გაძლიერება, არტერიული წნევის მომატება.
შარდმდენების და ატენოლოლის ერთდროული გამოყენებისას – ატენოლოლის ანტიჰიპერტენზიული მოქმედება ძლიერდება.
სხვა ანტიჰიპერტენზიულ საშუალებებთან და ნიტრატებთან ერთდროული გამოყენებისას – ატენოლოლის ჰიპოტენზიური მოქმედების გაძლიერება.
ატენოლოლის ერთდოული დანიშვნისას რეზერპინთან, მეთილდოპასთან, კლონიდინთან, ალკურონიუმის ქლორიდთან შეიძლება განვითარდეს გამოხატული ბრადიკარდია, პირის სიმშრალე.
საგულე გლიკოზიდებთან, ვერაპამილთან, დილთიაზემთან ერთდროული დანიშვნისასა ძლიერდება ატენოლოლის კარდიოდეპრესიული მოქმედება.
საანესთეზიო საშუალებებთან ერთდროული გამოყენებისას იზრდება მათი ტოქსიკური მოქმედების საშიშროება.
ერთდროული გამოყენება კორდარონთან ავლენს ადიტიურ მოქმედებას გამტარობაზე, განსაკუთრებით ავადმყოფებში სინუსური ან ატრიოვენტრიკულური კვანძის დისფუნქციით.
ციმეტიდინი აქვეითებს ატენოლოლის თირკმლის კლირენსს და იწვევს მის მომატებას სისხლის პლაზმაში.
არასტეროიდული ანთების საწინააღმდეგო საშუალებები და განსაკუთრებით ინდომეტაცინი ამცირებენ ატენოლოლის ჰიპოტენზიურ ეფექტს.
კონტრასტულ, იოდის შემცველ ნაერთებთან კომბინირებისას მატულობს ანაფილაქსიური რეაქციების განვითარების საშიშროება.
ესტროგენებთან ერთად გამოყენება ამცირებს ატენოლოლის ჰიპოტენზიურ ეფექტს, ვინაიდან ესტროგენები აკავებენ სითხეს ორგანიზმში.
ნეიროკუნთოვანი გამტარობის ბლოკატორებთან ატენოლოლის ერთდროული გამოყენებისას შესაძლებელია მიორელაქსაციის ეფექტის პროლონგირება.
სიგარეტის მოწევის შეწყვეტამ შეიძლება გააძლიეროს ატენოლოლის თერაპიული ეფექტი, ვინაიდან პლაზმაში ქვეითდება მისი მეტაბოლიზმი და მატულობს სისხლის დონე. ამ შემთხვევაში საჭიროა დოზის კორექცია.
ფენოთიაზილის წარმოებულებთან ერთდროული გამოყენება გარკვეულწილად ზრდის ორივე პრეპარატის პლაზმურ დონეს.
ალერგენებით იმუნოთერაპიის ან კანის სინჯებისათვის ალერგენების გამოყენების დროს ატენოლოლს შეუძლია გაზარდოს სერიოზული ალერგიული რეაქციების განვითარების საშიშროება.
ამინოფილინთან, თეოფილინთან ან კოფეინთან ერთდროული გამოყენებისას შესაძლებელია ატენოლოლის თერაპიული ეფექტების დათრგუნვა, ასევე თეოფილინის პლაზმური დონის მომატება.
საინჰალაციო სანარკოზე საშუალებების ერთდროული გამოყენებისას მატულობს კარდიოდეპრესიული მოქმედების გაძლიერების და არტერიული ჰიპოტენზიის განვითარების საშიშროება.
  
გამოყენებაორსულობისადალაქტაციისპერიოდში:
ატენოლოლი გადადის პლაცენტაში, ამიტომ მისი გამოყენება ორსულობის დროს შესაძლებელია მხოლოდ იმ შემთხვევაში, თუ დედისათვის მოსალოდნელი სარგებელი აღემატება ნაყოფისათვის მოსალოდნელ საშიშროებას.
ატენოლოლი გამოიყოფა დედის რძესთან ერთად, ამიტომ ლაქტაციის პერიოდში მკურნალობის აუცილებლობისას, რეკომენდებულია შეწყდეს ძუძუთი კვება; თუ ეს შეუძლებელია, მაშინ ბავშვის მდგომარეობაზე საჭიროა სათანადო სამედიცინო მეთვალყურეობის უზრუნველყოფა.
 
 
გამოშვებისფორმა:
შემოგარსული პერორალური ტაბლეტები, 50 მგ ან 100 მგ.
10 ტაბლეტი კონტურულ დანაყოფებიან შეფუთვაში პოლივინილქლორიდის და ალუმინის ფოლგისაგან.
2 კონტურულ დანაყოფებიანი შეფუთვა გამოყენების ინსტრუქციასთან ერთად.
 
შენახვისპირობები:
ინახება არა უმეტეს 300C ტემპერატურის პირობებში.
ინახება ბავშვებისათვის მიუწვდომელ ადგილას.
 
ვარგისიანობისვადა:
3 წელი წარმოების თარიღიდან.
ნუ გამოიყენებთ ვარგისიანობის ვადის გასვლის შემდეგ.
 
აფთიაქიდანგაცემისპირობები:
ფარმაცევტული პროდუქტის ჯგუფი II (ექიმის რეცეპტით).